昨天早上五點半起床，準備出門練習，結果引證了之前說的話「新的不來，舊的不走」是完全錯誤的。撿起座枱燈旁的佳明三鐵錶，熟練地扣在左手腕上，卻在昏暗中發現自己只拿起了半塊錶，半條錶帶不見了，睜眼細看，原來擱在枱燈旁。還以為是眼花了，伸手去撿起桌子上的半條塑膠錶帶，與左手上不完整的錶身併在一起，錶帶原來與錶身分離了﹗
還以為只是鬆掉，可以裝回去的，打開燈，再看清楚，錶帶真的是解體了，沒來由的斷開了兩截。
我這佳明錶是二手的，花了一百塊美金買回來，原價太貴，買不起，用了五年，終於爛了。教練也有一塊一模一樣的三鐵錶，也是錶帶斷了，給我看時只剩下錶殼，看起來像個斷手斷腳的大頭娃娃。
現在我也快要有一個一模一樣斷手斷腳的大頭娃娃了。
本來想出外練習的心一鬆弛，腿也軟了下來。不死心的我上網找錶帶零件。
佳明這個系列的三鐵錶已有十年歷史，但生產商居然仍有錶帶零件出售，盛惠美金二十元，下單後要兩至三個星期才收到。哇，這麼久，那我七月豈不是報廢了？我的目標一百三十公里啊，突然好像看到「一百三十」幾個字在我眼前沉沒，沉到黑暗的思緒裡。
再上網找找可用的錶，都很貴，看中的一款要美金四百元，雖然已比我這三鐵錶便宜了。不服氣的我，等到辦公時間給生產商打電話，很多人說他們的客戶服務差勁，奇怪的是，我一點也感覺不到，相反，我覺得他們親切好人到不得了，難道是人品關係？一笑。
我說我很喜歡我的三鐵錶啊，用了很久，一早出去練習前竟然爛了，練不成，非常失望。結果客服代表提議我把爛錶寄回給他們，我再買一塊新錶，還有八折優惠。心中大喜，那豈不是提前慶祝黑色星期五？
趕忙上網去看錶，看了一個上午，還是鍾情他們新出的野外太陽能運動錶，索價四百大元，算一算，八折的話，只要三百二十元，比任何平價網站賣的都便宜。
就在我仍在猶豫下單之際，合該有事，時近中午，有點肚餓，去了廚房一轉，打開抽屜時，卻看到一大包平日存下的粗橡皮圈。咦……
等了一夜，第二天早上一早爬起身，就用了我臨時想到的方法：用橡皮筋把手錶紥在手腕上，轉了幾圈，沒有掉下來。於是出門，像平時一樣走個四英里(6.44公里)，結果安全無恙，手錶仍穩在手腕上。
這方法行啊，喜不自勝的我，馬上上網訂錶帶零件，希望這橡皮筋可以撐兩個星期，哈，這樣一來，我又省掉四百大元了。
省掉了的錢該如何花好呢？這會是我下一個重要的人生課題。
Hahahaha what a creative way that works!!!!! 好叻啊！
哈﹗我也覺得自己勁啊。
隻 Garmin 戴喺你手上面顯得好大啊！其實我都有隻 Polar，生完第一個小朋友之後就無再戴過。成日要洗手換片抱B，戴住手錶好唔方便。
隻三鐵錶嘅錶面好大，無分男女，我手腕細。我冇手錶架，除咗練習時戴呢隻三鐵錶外，練完我就除低。
我隻 Polar 主要用來數 steps 㗎喳，你好勁啊！我都無手錶㗎！
係喎，乘機問你用咩 e-reader 睇中文書㗎？
計Step唔係可以用Google Fit呢隻app咩？以前我公司同事玩步行比賽，都係用呢個app同步數據。 我都睇電子書架。我買咗Kindle Paperwhite，因為貪其可以睇到某啲直排中文繁體電子書先買嘅。其實視乎氣你睇嘅書大部分係乜嘢format，但係而家有Calibre呢個免費軟件，你用乜嘢電子閱讀器都冇問題，可以轉換。
我用生果牌電話㗎，內置都有計 step，但我電話唔係成日放喺褲袋。而家 Kindle 可以睇到直排中文書啦！？驚喜喎！我部第二代 Kindle 收咗皮好耐，等緊奶奶俾返我送俾佢嗰部 Paperwhite 我，哈哈，買咗俾佢又唔用 🙄 我平時用 書僕 app 睇中文書，直排書係最愛！
你可以考慮買集Fitbit，可計步伐的，我有女友人也用這個，像手鐲，很幼一條，還可以配襯衣服。Kindle不可以顯示直排中文書，只不過之前有個中文電子書網站，叫好讀，版主幾年前猝逝，生前網站有義工將一些電子書製作了直排版，但只可用Kindle Paperwhite，普通Kindle看不到的。我用的Kindle是N年前的，至少十年，連機也開不到，我才買部Paperwhite的。我打廣東話其實打得較慢，打白話文的速度快好多。直排書順眼些。不過大勢所趨，沒辦法了。
Fitbit 奶奶都有用。我以前戴 Polar 為計 steps，而家唔用啦，以後再算，哈哈。好讀我用咗好多年，就係用書僕睇直排書嘛。唔知原來 paperwhite 可以睇好讀，謝謝你講我聽啊 🤩🤩🤩
不是所有好讀的電子書檔都有直排檔給Paperwhite(你點開那些檔時，旁邊有小字說明的)，是近年某些，因為他人去世得太突然，很多東西還未完成就無法處理了。很可惜。
咦，好讀唔係而家都仲 keep 住有 update 咩？你唔講都唔知創辦人過咗身。。。
冇更新幾年啦。因為走得好突然，有義工啱啱想交稿，結果第二日就跟版主失去聯絡，然後先發現的。
你講開又真係好耐都無更新喎。。可惜啊。
好多人還未發覺吧。好幾年前的事了。
咁而家個 website 係邊個 keep 住運作？我一直以為好讀係台灣 website
好讀是在美國的。人在美國。應該沒有人在網後運作，不知幾時會變成404。
下！咁我要去 download 好多啲書喎‼️
對，如果你有書想看就儘快下載了。
忽然間諗起，今年某日我去 dowload書，但個 website down 咗，過咗一日先 up 返。應該有人 manage 個 website?!
有太多書要 download 啦！全部倪匡啦東野圭唔啦金庸啦村上啦等等等，要用成日來做呢件事喎‼️
有人管理？應該不會喎。因為版主去世後沒有更新了。有人管理為何不更新？義工還在啊。
唔知啊，可能嗰次係 server down 咗？真係太可惜。
冇辦法。佢冇交帶畀第二個人，全部自己做晒。佢一走，就乜都冇了。
:’(
我呢個80後一定係打廣東話快，哈哈，所以我中文咪差囉！寫 blog 都係諗住可以練下寫中文喳。睇你哋啲文見你哋文筆咁好，我好汗顏㗎 😅
不要緊。我看得懂。只是習慣了打白話文，打廣東話我要想一想。寫文嘅嘢，最緊要係有heart。冇heart，文筆再好都是廢文(咦，我講緊自己？XDDDD )
哈哈，唔會喎，睇你啲文都學到嘢。啱啱睇咗你篇蘇州碼，仲未 comment，想找少少資料先。
好呀，大家交流。那篇其實是舊文，我修訂了才重新貼上來的。
Calibre 以前有用，但 format 無咁靚～
Calibre只用來轉換電子書格式，不會用來看電子書的，會出現版面分頁錯亂的。
係呀，我以前就係喺 Project Gutenberg 轉去 Kindle 睇，唔太鐘意個排版。
Project Gutenberg 冇用過。聽過很多次。書太多，而家仲有電子書，真係唔瞓都睇唔晒。
哈哈 係呀。我部 Kindle 都係舊到開唔到機。我個 ebook to buy list 好長，哈哈。但我有好多書未睇啊，係咁㩒住自己唔好買，真係太多書睇。
太多了。取捨吧。時間有限。
仲有呀 ～我是 猛車邊80 後 -1980
你1980都記得1984年有蘇州碼？勁﹗咁你細我好多，我真係可以做得你媽。伯母上網嗎？我要同伯母打吓牙骹先。XD
喂 喂 我也是冇手錶架！！！
哈哈，我覺得有手機已經可以。Hey 無錶族！
YEAH! 無錶族招手區~~
好耐以前我係錶不離手架。我講緊喺香港嗰陣時。
我的 Garmin FR235 用了年多已換了一次錶帶，不太耐用！
那你的錶帶更不耐用了，我這個至少也五年才斷開。
要買回我這個版本的三鐵錶，現在出到FR 945 LTE了，價錢太貴，所以決定放棄，之前也想過不如換FR235的，現在已出到FR 245了，看了好多評論，覺得還是不太好。反正前年(2019)開始行山，今年幾位隊友也不再比賽，我也考慮改為多點行山遠足，需要的錶功能也不一樣了。我看看換了錶帶後怎樣吧，說不定，跟着忍手不住買了那隻太陽能新錶。