想不到我們這一代香港人，要面對奸黨鬼怪豺狼當道，不禁勾起一點童年看日本英電視劇的回憶。小時候除了看鹹蛋超人外，第二個知道的英雄人物就是「鐵面金剛」，大家可能搔破頭皮也不知道是什麼，這個其實不是原名，原名是是「幪面超人」，日文名是仮面ライダーシリーズ，假面騎士，日本語假面，即是面具。當年先在麗的電視播映，但播到一半，需要改名，因為有個七八歲的小朋友扮幪面超人，從天台跳下來跌死了，政府禁播，復播時電視劇名改做「鐵面金剛」。不過，「幪面超人」這名字太深入民心了，後來大家依然叫這蒼蠅頭的超人做「幪面超人」。
超人一定要對付壞人，幪面超人要對付的壞蛋是震旦幫，後來有人說這名字是影射中國，「震旦」跟「支那」發音差不多。復播時，連壞蛋的名字也改了，叫毒蠍幫。那時年紀小，也不曉得震旦幫跟毒蠍幫有什麼分別。超人沒有壞人就很寂寞了，所以壞蛋死完一個又一個，幪面超人也一代又一代的延續下去。
再看現在的幪面超人，原來已變身為響鬼﹗(真撞鬼﹗)
不說不知，幪面超人1號拍攝時因受傷而換了幪面超人2號出現，後來扮演1號的演員傷癒復出，兩個一齊出動打壞蛋。這種見招拆招，在星戰的「帝國反擊戰」也出現過。當年演天行者的麥咸美在拍攝期間因車禍幾乎毀容，於是導演馬上拍了一段天行者被雪怪打到重傷，口腫臉腫，導演就將這段放在開頭，還側寫了韓蘇羅對天行者的友情，可謂一舉三得。
別以為這種因演員受傷而改劇情只在外國才出現。當年麗的武俠劇「天蠶變」的雲大俠出走台灣，電視台就搬出練天蠶神功練到可易容，由顧冠忠頂替，為了「合情合理」，還加插一段雲大俠的師父練天蠶功也練到返老還童。
這還不算經典。已故演員和司儀鍾保羅在麗的拍「甜甜廿四味」時車禍受傷，鏡頭一轉，就換了莫少聰，劇情解釋也欠奉。
變變變……無論幪面超人近年已變得面目全非，主題曲主角也換過很多次，還是覺得第一集最經典。
一句「蛇馬lu, 叔架」，你就知道，幪面超人來了。
(原文寫於2008年8月28日，本文為修訂版)
有D印象～ 不過我一般超人，我鐘意睇有個卡通講食神既
講食神嘅？好新喎。伙頭智多星？
伙頭智多星！
好似只係得呢套講食神。再後啲嘅卡通我真係唔識嘞。
之後冇睇 大個女了
那時我都好大個了，冇睇過，不過知道有呢套卡通。
我識唱主題曲！銀河唯一的秘密，天際最強人物XD
你唱呢首係乜嘢主題曲？O_O
超人嘅主題曲
咦，等我去聽番先。呢首我真係唔記得了。
超人迪加…係咪又係另一樣野XD
咳咳，我哋係咪講緊同一樣嘢啊。我講日本超人係指鹹蛋超人。美國果件都叫超人。
超人迪迦也是日本的，個樣都似鹹蛋，可能係同一家族。
啲名真係唔記得了，可能係表兄弟？ >_<
除左名，啲樣都差不多…我統稱超人便算。
太耐了，你問我幪面超人1號同2號有乜分別我都答唔出。
只認得個樣，係超人樣。
咁都仲有個人樣。
吓﹗去Youtube查一查，陳奕迅唱的。陳奕迅咁後生。我當然冇聽過啦。我印象的鹹蛋超人主題曲是這一首啊。https://www.youtube.com/watch?v=AQ10lqV2JDU
係呀 係呀， 係陳奕迅唱，呢首反而未聽過。
講真陳奕迅我其實冇乜聽過，近二十年嘅歌手我都唔係好識。
近十年嘅歌手，我都唔識…新歌更加少聽
近十年就更加唔識啦。樣都認唔到。
同一個人每次出場都不同樣，難認。
五哥，我地大她好多架
一聽就知道啦。