差不多廿年前，朋友來美國公幹，我與對方出外吃晚飯。甫一坐下，侍應問我們要喝什麼。我說水就可以了。因為在美國的餐廳，飲料的選擇不多，不是咖啡就是汽水，好一點的有瓶裝果汁，再好一點的有新鮮果汁，喝花茶真的比較另類。朋友卻用英文叫了一杯熱開水：「唔該，滾水。」
侍應沒有像我想像的白了我們一眼，只是微笑走開。回頭給朋友一杯熱開水。
在美國去餐廳，侍應通常會主動放下一杯冰水，沒放，就是想你點些飲料。這跟美國的華人餐館剛好相反，侍應通常會放下一杯熱茶，叫侍應拿水的話，也只會給你一杯熱開水。所以，美國人在華人餐館一坐下，第一句會說的廣東話是「埋單」，第二句會說的是：「唔該，冰水。」
美國人是不會叫熱開水的。因為他們根本不喝熱開水，熱開水只用來沖咖啡，即叫即煮。不信？你去一個普通美國人的家庭，一定不會找到熱水瓶。
從前有個笑話，如何分辨對方是一個華人(不是ABC)？第一是看家中有沒有熱水瓶，第二是看飯桌上有沒有抹布。美國人要熱開水的話，會馬上用水壼燒水。所以，如果你到美國人的家裡要熱開水的話，主人家會先叫你坐一下，然後才去燒水。
紐約人喝水，只要打開水喉頭，就可以喝，很方便，根本不用燒，尤其令紐約人驕傲的是其毋須過濾的自來水。初來紐約時，我不相信有這麼厲害，但喝過後，我也得承認，真的可以在生喝的，不像我家從前喝的井水。但是，很多在紐約住了多年的老華僑，仍然不太願意喝生水，喝生水壞肚皮這觀念，在亞洲已根深柢固。
紐約市的水質之好，不是說了算的，據報道，紐約市水質符合聯邦和紐約州的飲用水標準，毋須過濾也可以飲用。紐約市的自來水依賴一套龐大的供水系統，因為舊供水系統的第一隧道及第二隧道的老化，上世紀七十年代紐約市已開始挖掘第三條供水隧道，第三供水隧道的後期工程於二○○六年開工，長六十英里(97公里)，預計二○二○年完成。即是說，有份參與這新供水系統的工人、工程師也未必可以看到這供水系統的完成。
西門豹即發民鑿十二渠，引河水灌民田，田皆溉。當其時，民治渠少煩苦，不欲也。豹曰︰「民可以樂成，不可與慮始。今父老子弟雖患苦我，然百歲後期令父老子孫思我言。」至今皆得水利，民人以給足富。
《西門豹治鄴》
十四年過去了，彭博在任市長時曾說過預計會在二○二○年完成第三供水隧道，結果疫情下，一切都亂了。
一個城市之所以偉大，在於管理者有沒有高瞻遠矚的想法，在這方面，我是很佩服美國人的目光和氣魄，很多東西的建造到完成可以橫跨半個世紀，都是為了下一代人活得更幸福而建設的。前人種樹，後人乘涼。我剛好有幸來了美國當了一個乘涼者，感恩。
(原文寫於2008年6月2日，本文為修訂版)
唉～ 不禁想起香港真係，我唔知有冇種樹… 分外笑話一則：家人年青時有次在LA 飲了tap water 💧, 自此之後甩頭髮～ 咁就賴～ 係D tap water 令人甩髮～
睇吓乜嘢水，有啲人話硬人易令人甩頭髮。飲咗一次之後就甩？咁又誇張咗啲。
更係晤關事啦 係佢盈住盈住
諗得多可能都會甩頭髮架喎。
絕對係 DNA 🧬 呢又
換隻洗頭水啦，洗完頭，成個獅子頭咁咪好似好多頭髮囉。
我以前電luen 頭髮 由於電咗大圈好多男仔追！ 咁少女麻 就心🌹怒放， 咁屋邨salon 師傅話中圈持久D，我就電中圈～ 一電似葉劉lor ～啋！！！
我老友當年結婚我做伴娘，咁就犧牲一次去電髮。電完個頭成個菠蘿包咁(人地王菲係菠蘿釘)。我唔高興咗好耐。
件事係你話似好多頭髮唸起～
英國啲水也是呀…所以即刻買濾水壺
英國嘅水喉水唔可以生飲？
可以..但有分軟硬水，我都係習慣濾一濾再飲
我都冇留意呢度係乜水，有濾一濾才喝的，就是簡單的濾水壼。
我也是…當時深怕脫髮，所以第一件件買濾水壺
我冇諗過脫髮嘅問題，呢度個個都用濾水壼喝生水的。到好上下年紀就會開始脫髮的了，除非去植髮啦。我而家已唔想諗呢啲問題，到時剃光頭，一了百了。XDDDD
當時脫髮問題是首要，次要唔過濾熱水壺好快有水垢，但本地人完全唔介意…
我全身上下得把頭髮見得下人，要好好珍惜，哈哈😆
咁你留長把頭髮然後剪去畀人做假髮，呢度有機構專收集真人頭髮做假髮送畀兒童癌病醫院嘅小朋友架。
有呀，我真係寄過一次。但舊年再剪想寄，但疫情好似唔收住，唯有再留起加下次的再寄。
我啲頭髮唔係幾得。老了。
我無染髮電髮，暫時白頭髮偶有幾條，仲符合資格！再留長儲起先
我而家成頭白髮。唔啱捐架嘞。
等我幫手捐多啲捐埋你果份啦🙋🏻♀️🙋🏻♀️
原來呢條留言去咗spam，啱啱先發現。有得捐係福氣。
開於熱水，記得和朋友在倫敦中餐館食晚飯，要了兩杯熱水，盛惠£2，朋友說早知飲汽水。
哈﹗所以鬼佬一定叫汽水。
或者tap water 算
呢度真係叫水就算，唔收錢的，就是水喉水。有時有啲侍應會有點不屑你只喝水的。有啲人叫瓶裝水，咁就浪費了。個樽係膠嘛。
係囉 飲水直接得啦，如果汽泡水就要order。但佢地都習慣叫大大杯可樂，真的太大杯啦…
老外太鍾意飲汽水了，尤其是美國人。美國人消耗可樂飲品的容量係其他國家嘅兩倍以上。中國大陸都係得二百幾，美國係七百有多啊。
我見佢地啲可樂係一杯有1L…我可以分一個星期飲….但久不久會想飲一罐，只限一罐
佢哋飲可樂係飲到上癮，冇得救的了。
可能血液都有甜味
啲血已變咗糖水……
遲下變糖漿…
XDDDDD 有冇分A級定B級糖漿？
要睇返飲百事可樂定可口可樂，或者飲無糖定全糖，哈哈
飲汽水，快啲死。(哇，又一個script)
慢性自殺行為
呢度政府已經宣傳緊，但冇乜用，啲人習慣咗，汽水又平。
英國前幾年開始收「糖稅」但成效也不大
冇乜用的，你叫佢哋唔飲即係叫佢去死。上癮了。
純粹增加庫房收入
財來自有方。
出師有名，為國民健康著想
其實學校已禁賣汽水的了。但是美國人的飲食習慣真的非常唔好。
多年飲食習慣好難改變
為咗條命仔，為咗家人，為咗鍾意嘅人，要改架。
但全家人都一樣….抑或佢地唔知嚴重性？
呢啲叫攬炒囉。